Wakazi wa Laikipia Wakataa Nyumba Walizojengewa na Waziri Matiang'i

• Haya yanajiri baada ya Matiang'i mnamo Jumamosi, Septemba 11, kuzindua zoezi la kuwajengea nyumba wahasiriwa wa ghasia
• Wakazi hao sasa wameapa kutorejea makwao wakihoji kuwa ni hatari sana kwao
• Wahasiriwa hao walielezea kuwa si busara kwa serikali kuwataka kurejea makwao wakati bado majangili wako mbioni

Wakazi wa Laikipia kunakoendelea ghasia, wamekataa nyumba ambazo walijengewa na Waziri wa Usalama wa Ndani Fred Matiang'i huku wakihofia usalama wao.

Haya ni baada ya Matiang'i mnamo Jumamosi, Septemba 11, kuzindua zoezi la kuwajengea nyumba wahasiriwa wa ghasia hizo ambazo ziliteketezwa na majangili na kuwaacha mamia bila makao.

Hata hivyo, wakazi hao sasa wameapa kutorejea makwao wakihoji kuwa ni hatari sana kwao.

Wakizungumza na wanahabari, Jumapili, Septemba 12, wahasiriwa hao walielezea kuwa si busara kwa serikali kuwataka kurejea makwao wakati bado majangili wako mbioni.

"Ombi langu kwa serikai ni kuwa wanatakiwa kuhakikisha kuwa majangili wote wanakabiliwa ili tuishi kwa amani. Ni bure kuwa wanajenga nyumba ilhali majangili bado wako mafichoni. Hatuwezi kufurahia nyumba hizo," alidai mhasiriwa huyo.

"Hii ni mara ya pili kutoroshwa kwangu. Siwezi kurudi kwa sababu ninaugua kisukari. Nitaishi kwa hema iliyotolewa na Shirika la Msalaba Mwekundu," alisema mhasiriwa mwingine.

Matiang'i alala siku mbili Laikipia

Mnamo Jumamosi Septemba 11, Waziri Matiang'i alisema aliamua kulala siku mbili eneo la Ol Moran ambacho ni kitovu cha ghasia zilizogubika kaunti ndogo ya Laikipia Magharibi, ili apate nafasi ya kuona kinachoendelea.

Hata hivyo, hakuna visa vyovyote vilishuhudiwa huku vikosi vya maafisa wa polisi vikionekana kushika doria kila kona.

Matiang'i alisema haiwezekani kundi la washambulizi wachache kuhangaisha serikali na kuanzia Ijumaa itakuwa kumenyana na wavamizi.

"Tuko tayari kukabiliana na hii hali kabisa. Tumelalal hapa na tunajua hii mambo itaisha," alisema Matiang'i.

Waziri huyo alikuwa ameandamana pamoja na mshirikishi wa Bonde la Ufa George Natembeya ambaye hapo awali alikuwa amelia kuwa wavamizi wako wako na silaha kali.

Kituo kipya cha polisi pia tayari kimeanza kujengwa eneo hilo kufuatia ahadi ya Waziri Matiang’i.

Waziri huyo pia alitangaza kuwa vituo vidogo vya polisi vya Luniyek na Survey vitapandishwa ngazi kuwa vituo vya polisi na maafisa zaidi kutumwa huko.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4J5hJhmrpqjka%2B2bsPAZqOaoZuevaqtjLCYpJmklq5uutiupJuZXayurbXZqKGeppearm66wGaumrKZp7ZuucCtoJqml557qcDMpQ%3D%3D

• ← Previous Post
• Next Post →