- Mutura ni chakula kitamu cha mchanganyiko wa vipande vya nyama ya ng'ombe au mbuzi iliyokatwakatwa au kusangwa na kusindiliwa ndani ya utumbo na wakati mwingine hukolezwa vitunguu, chumvi, na pilipili ili kuifanya kuonja sawasawa
- Baada ya wanaume kuchinja mbuzi au ng'ombe, wangeosha utumbo na kisha kuujaza kwa nyama iliyosagwa, kutumbukizwa kwenye damu kisha kuchemshwa na baadaye kukaangwa. Kisha ingewekwa kwenye makaa ya moto ili kuikausha polepole
Labda umesikia, kuona, au hata kuuonjaa Mutura, kitoweo maarufu nchini Kenya kinachojulikana na watu wanaotoka nje ya nchi kwa jina 'sausage ya Kiafrika'.
Au wewe umewahi kuuonja?
Mutura ni chakula kitamu cha mchanganyiko wa vipande vya nyama ya ng'ombe au mbuzi iliyokatwakatwa au kusangwa na kusindiliwa ndani ya utumbo na wakati mwingine hukolezwa vitunguu, chumvi, na pilipili ili kuifanya kuonja sawasawa.
Umaarufu wake ulianzia miongo kadhaa iliyopita. Hadithi nyingi zimeeleza jinsi mutura alivyotumiwa pamoja na milo mingine kwenye sherehe muhimu au hafla mfano mazungumzo ya mahari au tohara.
Pia soma
Raila Odinga Awaandikia Wakenya Barua, Awaambia ni Mungu Alileta Martha
MAKINIKA: Bofya “Ona Kwanza” chini ya “Fuatilia” ili kuona Habari za TUKO kwenye jukwaa lako la Habari
Baada ya wanaume kuchinja mbuzi au ng'ombe, wangeosha utumbo na kisha kuujaza kwa nyama iliyosagwa, kutumbukizwa kwenye damu kisha kuchemshwa na baadaye kukaangwa. Kisha ingewekwa kwenye makaa ya moto ili kuikausha polepole.
Mila hii imehifadhiwa hadi sasa, na chakula hicho sasa ni kawaida kukipata kando ya barabara katikati ya maeneo ya makazi ya watu wa kati au wa chini jijini Nairobi.
Wale wanaopenda mutura wanasisitiza kuwa, utamu wake una ladha ya kudondosha mate.
"Ni ya bei rahisi na inaweza kuliwa kwa chakula kingine na au bila kuandamiza," anaelezea Ben Walutere, mkazi wa mtaa wa Mwiki, Nairobi.
Zaidi ya hayo, faida yake ni nzuri, kwani Francis Wachira, mfanyabiashara wa kuuza nyama eneo la Njiru, anasema kwa siku anaweza kuweka mfukoni faida ya angalau ksh.3000 kutokana na biashara hiyo.
Pia soma
Barobaro Ambaye 'Hajaona' Maji kwa Miaka Mitatu Aoshwa Hadharani na Wenzake
"Ninaanza kuichoma kwa makaa... baada ya kuitengeneza kawaida karibu saa 6pm na wateja huanza kumiminika hata kabla ya mutura wenyewe kuiva vizuri," anasema.
Upendo wa chakula hiki ni mkubwa na sherehe ya kula mbuzi huwa haijakamilika vyema kabla ya kutiwa mezani vipande vya mutura.
Kando na faida nyingi zinazohusishwa na chakula hiki, kina protini na kalisiamu ambayo husaidia katika kujenga tishu za mwilini na kupunguza uzito wa mmeng'enyo wa chakula.
Mwandishi ni Kevin Anindo, Kaunti ya Nairobi.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Chanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdkZoZ6fJhmpK6spaeubr%2FArqqan5VixqJ5yqKYn6qZoK5urcybmLKnXaq6oq3Rrp2uZaeWuKZ51KeYs6GUnnqswcqumGegpKK5